Ölüm gəzir söyə-söyə…
2020/03/02 at 11:17 am
No comments
Eşitmişdik, oxumuşduq
gözə görünməz qoşun var.
Nəvə şəkk edəndə baba
deyərdi sus, nə yaşın var!
Nə bilirsən vəba nədi,
nə bilirsən taun nədi!
Bəlalar var yolun üstə,
yaddan çıxar adın nədi!
Axır çıxdı yolumuza,
axır girdi qolumuza,
Maska taxdıq, dərman səpdik
sağımıza, solumuza.
Qapıları döyə-döyə
ölüm gəzir söyə-söyə.
Demə bu boyda dünyada
bir yer yoxmuş gizlənməyə!
Aran Eyvaz